Şaredarîya Livornoyî û Heyva Sore seba Mexmûrî projeyo hempar ''Her kesî rê dibistanêke'' da destpêkerdene. Çarçewa xebatanê averberdişê projeyî de Kampa Multecîyan a Şehîd Rûstem Cûdîyî de dibistane û warê kaykerdişî do bêrê viraştene.

Proje bi kombîyayîşê çapemenîye dîya şinasnayene. Şaredare Luca Salvettei, Endama Meclîsê Têkilîyanê Mîyanneteweyîyan Barbara Bonciani û Serekê Heyva Sor a Kurdîstanî ya Îtalya Alîcan Yildiz beşdarê kombîyayîşî bîyî. 

Luca Salvetti kombîyayîş de vat: ''Ma ancî bi projeyê awankerdişê dibistane mîyanê paştdayîşî de yê.''

Barbara Bonciani ard ziwan ke ê hertim hetê kurdan de yê û paştî danê Heyva Sore ya Kurdîstanî. Alîcan Yildizî zî seba projeyî her kesî rê sipas kerd û qala têkoşînê kurdan kerde.

Karîkaturîstê namdarî Zerocalcareyî zî paştî daye projeyî.

Goreyê projeyî dibistana ke do bêra viraştene 150 wendekaran rê xizmet bikera, 5 mamostayê ci est bê, dibistane de baxçe û warê kaykerdişî zî do est bê.

Heyva Sore da zanayene ke seba projeyî 120 hezar euro lazim o

Kesê ke wazenê eşkenê lînkê (https://www.mezzalunarossakurdistan.org/) ser ra hetkarîya madîye bidê projeyî.