Komîteya TEV-ÇANDî serrgêra 33yîne ya şehadetê aye de Hozane Mizgîne (Gurbete Aydin) bi eşkerayîyêke yad kerde. TEV-ÇANDî vat:

‘’Ma serrgêra şehadetê ci de fermandara xo ya efsanewîye û hunermenda şorişgêre Mizgîne bi rêz û sereberzî yad kenê. Serkêşîya PKKyî de Şorişê Azadîye yê Kurdîstanî menga gulane kerde menga şehîdane. 11ê gulana 1992yî de Fermandara Eyaletê Garzanî embaze Mizgîne Tetwan de şehîd bîye. 

Ma 11ê gulane sey Roja Şehîdanê Kultur û Hunerî pêşwazî kenê. Emser ma na roje bi proseso ke Rayber Apoyî bi têkoşînê xo hele bi hele munito pêşwazî kenê. Bêguman xêrê keda Rayber Apoyî, şehîdanê ma û şarê ma ra ma resayî nê rojan.

Embaze Mizgîne bi kesayetê xo yê şorişgêre, hunermende û têkoşere refanê vernîyan de cagirewt û îmzaya xo eşte binê qewimîyayîşanê verênan. Aye ge bi çeka xo ge zî bi hunerê xo têkoşîn kerd. Aye ge Ewropa de  ge zî koyan de mîyanê pratîkî û şarî de cagirewte.

Aye serranê 80an de embazê ma Hozan Sefkanî reyde Ewropa de Huner-Kom û Koma Berxwedan naro, bingeyê xebatanê TEV-ÇANDî eşt. Aye bi eseranê xo zerrîya şarî de cayê xo kerd zixm û şarê ma şehadetê aye ra dima nameyê domananê xo kerd Mizgîne. Bi hezaran kesan bi tesîrê veng, name û hunerê embaze Mizgîne verê xo da şorişî û têkoşîn ard nê rojan.

Bi wesîleya na roje ma şehîdê verênî yê kultur û şorişî Alî Dogan Yildirim, Delîl Dogan, Alî Temel, Hozan Sefkan, Hozan Çîya, Hozan Serhed, Delîla Meyaser, Halîl Dag, Yekta Herekol, Hêvî Şanoger, Dagistan, Welatî, Bavê Teyarî ra heta Sirri Sureyya Onderî pêro şehîdanê ma yê hunermendan û şehîdanê gulane bi rêzî yad kenê û soz danê ke ma do bibê layîqê şehîdanê xo.’’