Festîvala Fîlmanê Kurdan a Dusseldorfî ya Diyîne dewam kena. Çarçewa festîvale de vizêr derheqê ameyox, wextê nikayênî û vizêrê sînemaya kurdan de panelêk ame kerdene. Panel de Serhat Halukuyî moderatorîye kerde û hunermendan Cemîle Şahîn, Ekrem Heydo, Hewraz Muhammed û Shahram Alîdîyî qisey kerd.

Shahram Alîdîyî pare kerd ke sînemeya kurdan Îran de raşta sansuran yena la rixmê ney zî xo ver dana.

Hewraz Muhammedî îfade kerd ke tarîx de bi ewnîyayîşêkê oryantalîstî tim qalê kurdan ameyo kerdene û ganî hinî kurdî bi rayîrê sînema hîkayeyanê xo vajê.

Ekrem Heydoyî ard ziwan ke eke kurdî hîkayeyanê xo nêvajê beno ke hîkayeyê înan bêrê vîrakerdene. 

Cemîle Şahîn bale ante têkoşînê kurdanê Ewropa ser û vat ke kurdî bi rayîrê sînema nasnameyê xo pawenê. Cemîle da zanayene ke Xoverdayîşê Kobanê ra dima nasnameyê kurdan Ewropa de hîna zaf vejîyayo werte.

Şan zî şeş fîlmê kilmî ”Lêgerîn" û "Eine Brucke nach Rojava" û belgefîlmê “Dem Dirîreşkan” ameyî mojnayene.

Ewro şan festîvale bi xelatdayîşî do biqeda.