Fermandaranê PKKyî ra Bêrîtane Hêvî (Gulnaze Karataş)ya ke 25ê teşrîna verêne ya 1992yî de vera teslîmîyetî şehîd bibî şaristanê Luzernî yê Swîsre de bi rayraşîyayîşê bi meseleyan ameye yadkerdene.

Aktîvîstanê Cinîyan ê Ciwanan ê Têkoşeran (TÊKO-JIN) deqayêkê rêzgirewtişî ra dima qisey kerd.

Nameyê TÊKO-JIN ser o Stêrke Çolak qisey kerd û vat: ''Şehîde Bêrîtane vera îxanetî raştîya cinîya azade û xoverdayoxe mojnaye.''

Dima girseyî bi slogananê sey “Bijî berxwedana gerîla”, “Bimre xiyanet”, “Jin, jiyan, azadî” rayraşîyayîşê xo kerd û eşkerayîya xo daye. Eşkerayîye de Fermandare Bêrîtane ameye yadkerdene û serrgêra ronîyayîşê 31. ya YJA-Starî ameye selam kerdene.