Bajarê Hannoverî yê Almanya de semedê 8 gerîlayanê HPG û YJA Starî yê ke 5ê kanûne de Koyê Mercanî yê qezaya Pulurî ya Dêrsimî de bibîy aktîvîteya yadkerdişî ameye organîzekerdene.

Aktîveteya ke bi seyan kesî tewrê ci bîyî de verî keyeyê Şehîde Mîhrîbane Ata (Jînda Gabar) serweşîye qebul kerdî. Bi nameyê keyeyê Mîhrîbane Ata Xoşnav Ata qisey kerd. Reyna bi nameyê KOMAW û PYDyî zî qiseykerdişî ameyî kerdene. Qiseykerdişan de ame vatene ke tarîxê kurdan cuya şehîdan de nimiteyo, ganî kurdî xeta şehîdan û rayberîya xo de şirê. Aktîvîte bi ramojnayîşê sînevîzyonê şehîdan û sloganan qedîyaye.
.