Şehîdê Helebçe şaristanê Sydneyî yê Avusturalya de ameyî yadkerdene. Merasîmê yadkerdişî Merkezê Komelê Demokratîkî yê Kurdan de bi deqayêkê rêzgirewtişî dest pêkerd.

Hemserekê NCDKyî Tîmur Tetwanî qisey kerd û pare kerd ke sey Saddamî dewleta tirke zî Herêmanê Pawitişî yê Medya de ewladanê kurdan bi çekanê kîmyewîyan qetil kena. Tetwanî vat: ''Seba ke Helebçeyê neweyî nêqewimîyê ganî ma dormeyê Rayber Apoyî û PKKyî de bibê yew.''

Merasîm de şîîra Şêrko Bêkesî ya serê Qirkerdişê Helebçe ameye wendene û sînevîzyonêk ame mojnayene.