Sere de Fermandare Bêrîtane (Gulnaze Karataş) pêro şehîdê teşrîna verêne Atina û Limasol de ameyî yadkerdene.

Şaristanê Limasolî yê Qibrisî de serkêşîya Komîteya Keyeyanê Şehîdan a Meclîsê Şarê Kurdî de Merkezê Kulturî yê Kurdan ê Teofilosî de merasîmêk ame kerdene. Merasîm de fotografê şehîdan ameyî akerdene û findî ameyî tavistene. Hemsereka Meclîsê Şarê Kurdî yê Qibrisî Gulîstane Akşahîn û îdarekarê Komîteya Keyeyanê Şehîdan Îsmaîl Ekerî qisey kerd. Merasîm de sînevîzyonêk ame mojnayene. Merasîm bi sloganan qedîya.

Paytextê Yunanîstanî Atina de serkêşîya Merkezê Komelê Demokratîkî yê Kurdan, TÊKO-JIN û TCŞyî de Fermandare Bêrîtane ameye yadkerdene. Merasîm de derheqê têkoşînê Bêrîtane de sînevîzyon ame mojnayene û şîîrî ameyî wendene. Merasîm bi slogananê "Şehîd namirin" û "Bijî Serok Apo" qedîya.