Sydney û Helsinborg de şehîdê Xoverdayîşê 14ê Temmuze bi merasîmanê pîlan ameyî yadkerdene.

Şaristanê Sydneyî yê Avusturalya de bi wesîleya serrgêra 42ine ya Xoverdayîşê Rojeyê Mergî yê Pîlî şehîdê 14ê Temmuze Kemal Pîr, M. Hayrî Durmuş, Akîf Yilmaz û Alî Çîçek ameyî yadkerdene. Yadkerdiş de Hemsereka NCDKyî Gulaye Alkan ard ziwan ke bingeyê xoverdayîşê PKKyî Zîndanê Amedî de ronîyayo û kurdî deyndarê şehîdan ê. Yadkerdiş de derheqê şehîdan de sînevîzyonêk ame mojnayene.

Şaristanê Helsinborî yê Swêdî de merasîmêkê yadkerdişî yo pîl ame kerdene. Merasîm de avûkatanê Rayberê Şarê Kurdî Abdullah Ocalanî ra Cuneyt Canîşî îfade kerd ke wayîrvejîyayîşê xoverdayîşê gerîlayan wayîrvejîyayîşê şehîdan o. Yadkerdiş bi sloganan qedîya.