Şehîdê têkoşînê azadîye gerîlayê HPGyî Mahîr Munzur û gerîlaya YJA-Starî Sara Dorşîn ameyî yadkerdene.

Şaristanê Aargauyî yê Swîsre de gerîla Mahîr Munzuro ke 2018 de Dêrsim de şehîd bibi ame yadkerdene. Xeylêk kesî tewrê merasîmê yadkerdişî bîyî.  Waya Munzurî Bêrîvane Kit merasîm de qisey kerd û pare kerd ke ê bi birayê xo sereberz ê. Bêrîvane vat: ''Ma do hertim peyê rêçê şehîdanê xo de bibê. Qiseykerdişan ra dima derheqê şehîd Munzurî de sînevîzyonêk ame mojnayene.

Paytextê Almanya Berlin de Şehîde Sara Dorşîn (Sarah Handelmann)a ke 2019 de şehîd bibî ameye yadkerdene. Merasîm de nameyê TJK-E ser o Safîye Erol qisey kerd û îfade kerd ke ê do bi caardişê qiseyanê Rayberê Şarê Kurdî Abdullah Ocalanî bieşkê armacanê şehîdan bîyarê ca. Dima derheqê şehîde Sara de sînevîzyonêk ame mojnayene. Merasîm bi sloganan qedîya.