Bern û Berlin dede şehîdê Dêrsim, Zapî û Garê ameyî yadkerdene.

Kantonê Bernî yê Swîsre de Ece Yilmaz (Edessa Cejna)a ke 14ê teşrîna verêne ya 2023yî de Dêrsim de şehîd bîya û Dilara Olmez (Ekîn Rodî) û Kemal Merwan Oso (Canşêr Şêrawa) ê ke 19ê adara 2024î de Zap de şehîd bîyê ameyî yadkerdene.

Hunermend Kawa Urmîye merasîm de ard ziwan ke heta caardişê azadîya Rayberê Şarê Kurdî Abdullah Ocalanî kurdî do têkoşînê xo rê dewam bikerê. Nameyê KOMAWî ser o Saadete Kurdan zî îfade kerd ke ê do tim rêçê şehîdan ra şorê.

Nameyê keyeyê Edessa Cejna ser o Mamoste Gernas Koçerî vat ke ê do tim wayîrê vîrameyîşanê şehîdan vejîyê û xeyalanê înan bîyarê ca.

Endamê Konseya Rayberdişî ya KCKyî Zubeyîr Aydarî zî merasîm de qisey kerd û vat: ''Welat de şerêko giran est o. Ganî ma nê şerî de erkanê xo bîyarê xa û têkoşînê xo rê bi hawayêkê xurtêrî dewam bikerê.''

Nameyê keyeyê Ekîn Rodîyî ser o Zulfu Bînbîrî vat: ''Şehîdanê ma şerê dewleta tirke pûç kerd.''

Merasîm bi sloganê ''Şehîd Namirin'' qedîya.

Paytextê Almanya Berlin de şehîde Edessa Cejna û Dijwar Tolhildano ke 2yê adara 2022yî de Garê de şehîd bîyo serkêşîya Meclîsê Cinîyan ê Dest-Danî û NAV-BERLINî de ameyî yadkerdene.

Merasîm de Hemsereka NAV-BERLINî Nursele Yildiz ard ziwan ke ê do tim rayîrê şehîdan teqîb bikerê û vat: ''Heta azadîya Rayber Apoyî ma do têkoşînî berz bikerê.''

Qiseykerdişan ra dima sînevîzyonêk ame mojnayene û merasîm bi sloganan qedîya.