Seba gerîlayê HPGyî Jakop Riemer (Şiyar Gabar)o ke 9ê temmuza 2018î de Çarçela de hêrişê dewleta tirke de şehîd bibî û seba şerwanê YPGyî Kevin Joachim (Dilsoz Bahar)o ke 6ê temmuza 2015î de şerê vera DAÎŞî de şehîd bibi, şaristanê Hamburgî yê Almanya de aktîvîteyêka yadkerdişî ameye serûberkerdene.

Aktîvîte Merkezê Kulturî yê Social Centroyî de ameye kerdene û dadî û waya Riemer, xeylêk kurdîstanijî û şorişgêrê almanî tewrê aktîvîte bîyî. Salona aktîvîte de fotografê Rayberê Şarê Kurdî Abdullah Ocalanî û ê şehîdan ameyî daliqnayene.

Aktîvîte pê deqayêkê rêzgirewtişî dest pêkerd, dima derheqê têkoşînê wird şorişgêran de sînevîzyonêk ame mojnayene. Aktîvîte de merşê ''Ciao Bella'' ame vatene.

Keyeyê Riemerî kurdîstanijan rê sipas kerd ke ê têna nêverdayê.

Aktîvîte pê sloganan qedîyaye.