Ûgûr Şakarî 20’ê Sibate de vera tecrîdê serê Ocalanî û polîtîkayanê dewleta Almanan a ke sazîyanê Kurdan krîmînalîze kena, bedenê xo tafînabi û gama ke tedawî dîyêne şehîd kewtibi. Şakar ewro bajarê Neussî de bi merasîmêkê biheybetî ame definkerkedene.
Cenazaya Ûgûr Şakarî bajarê Neussî de bi merasîmêkê biheybetî ameye wedartene. Keyeyê Şakarî ra kes Dêrsim de nêmendo, coka cenazaya ey bajarê Neussî de ameye definkerdene.
Temsîlkarê KCDK-E, TJK-E, YJK, FEDA, MLKP, Partîzanî ya pîya xeylî nuştox, rojnameger, parlamenter û şarê Kurdî û dostê înan tewrê merasîmî bîyî. Merasîmî de aktîvîsta TJK-E Gonul Kaya qisey kerd. Kaya va, ‘‘Şakarî çalakîya ke rojêka tarîye de viraşte, bi adirê Newroze roşn kerde. Ê ke wazene bi tecrîd cuya ma tarî bikerê, cewabêko rind da înan. Ma zî do mucadeleyê ey gird bikerê û waştişê ey bîyarê ca.‘‘
Cenazaya Şakarî bi slogananê, ‘Şehîd nêmirenî‘ ameye definkerdene. Roja Şeme do Dusseldorf seba Ûgûr Şakarî merasîmê vîrardişî bêro viraştene.
