Şaristanê Achimî yê Almanya de Keyeyê Êzidîyan bi wesîleya Roşanê Çarsema Serê Nîsane şayîyêke viraşte. 

Şêx Xwedêdayî destpêk de duayî wendî. 

Dima Hemsereka FED-DEMî Sebahate Ergîn qisey kerd û vat: ''Ma dûrê welatî de bibê zî ganî kulturê xo bipawê û bimusnê domananê xo. Heta ke no şar wayîrê xo, kurdayetîya xo, têgêrayîşê xo û Şingalî vejîyo çew nêeşkeno nê şarî û kulturê ci çin bikero.''

Nameyê Sîwana Meclîsanê Cinîyan ê Êzidîyan sero Elîza Yalçin zî roşanê pêro beşdaranê şayîye fîraz kerd. 

Şayîye de mesajê KNKyî zî ame wendene. Mesaj de xoserîya Şingalî ameye waştene.

Şayîye de hunermendî Hozan Ferhad, Koma Hebûn Zarok û Ciwan vejîyayî sehne ser û beşdaran pîya govende girewte.