Agît Ûral Lubeck te bicoş ame pêşwazîkerdene
Agît Ûralo ke semedê wedartişê tecrîdê serê Rayberê şarê Kurdî Abdullah Ocalanî 17’ê Kanûn a 2018’î ra nata Strasbourg de grevê vêşanîye de bi û 26’ê Gulane de bi vengdayîşê Ocalanî çalakîya xo qedînaye, Lubeck de bicoş ame pêşwazîkerdene.
Xoverdayoxanê Strasbourgî ra Agît Ûral dimayê serkewtişê çalakîya xo agêra bajarê Lubeckî yê Almanya.
Ûralo ke bi slogana, ‘Bîjî Serok Apo’ yî ame pêşwazîkerdene, tîya qiseykerdişêk kerd. Ûralî vist vîrî ke xoverdayîşê grevê vêşanîye yê 6 mengan o ke rayberîya Leyla Guvene de ame domnayene tecrîd şikit û waşt ke dewleta Tirkî vengdayîşê Ocalanî rê bibo cewab.
