Almanya de îşxalkarîya dewleta Tirkî ameye şermezarkerdene

Bajaranê Hamburg, Stuttgart û Dusseldorfî yê Almanya de bi çalakîyan hêrişê îşxalî yê dewleta Tirkî yê vera Rojawan û Başûrê Kurdistanî ameyî şermezarkerdene.

Bajaranê Hamburg, Stuttgart û Dusseldorfî yê Almanya de Kurdistanî û dostê înan vejîyayî kuçeyan û hêrişê îşxalî yê dewleta Tirkî yê  vera Rojawan û Başûrê Kurdistanî  şermezar kerdî.

Stuttgart de Kurdistanijî û dostê înan vejîyayî meydanan û hêrişê dewleta Tirkî şermezar kerd. Rayraşîyayîş ra dima mîtîngêk ameye viraştene. Qiseykerdişan de  bêvengîya Ewropa zî ameye şermezarkerdene.

Bi heman waştişî Hamburg de Kurdistnajî meydanan de bî. Rayraşîyayîş de bi silogan û pankartan bale ameye antene serê polîtîkaya hêrişkare ya dewleta Tirkî. Parlamenterê Partîya Çepe Martîn Dolzerî çalakîye de qisey kerd û ard ziwan ke hêrişê îşxalî yê dewleta Tirkî nênê qebûlkerdene û ganî her kes vera nê hêrişan vengê xo berz 

Dusseldorf de zî bi mîtîngêk hêrişê dewleta Tirkî yê vera Rojawan û Başûrê Kurdistanî ameyî şermezarkerdene. Qiseykerdişan de ame vatene ke ganî heme hetê demokratî vera hêrişê îşxalî de vengê xo berz bikerê û mucadeleyî xurt bikerê.