Heyetê DEM Partî yo ke Hemsereka Pêroyî Tulaye Hatîmogullari, Hetkara Hemserekanê Pêroyîyan Ebruye Gunay, Temsîlkarê Partîye yê Ewropa Eyyup Doru û Temsîlkara Partîye ya Almanya Leyla Îmret ra yeno pê, Almanya de pêvînayîşanê dîplomatîkan keno.

Heyetî temsîlkaranê Frîedrîch Ebert Stîftûng (FES) de pêvînayîş kerd û dima Wekîla Parlamentoyê Almanya Maxe Lucks û temsîlkaranê parlamentoyî de pêvînayîş kerd.

Heyetê DEM Partî dima Vervatoxê Têkilîyanê Teberî yê Partîya Sosyal-Demokrate ya Almanya (SPD) de pêvînayîş kerd û temsîlkaranê Weqfa Polîtîka û Zanistîye (SWP) de ronişt.

Pêvînayîşan de netîceyê weçînayîşanê herêmîyan ê 31ê Adare, têkoşînê muxalefetê demokratîkî yê seba çareserîya meseleya kurdan, têkilîyanê Tirkîya-Yewîya Ewropa, Tirkîya-Almanya, Dewaya Dafike ya Kobanê ûsn. ameyî ercnayene.