Heybet Şenero ke qezaya Gimgimî ya Mûşî ra yo, 2018 ra nata Almanya de multecî yo. Heybete dewaya vera ci ra neçare menda ke vejîyo  teberê welatî. Heybet Şener seba dergkerdişê destûrê roniştişî şî mudirîya xerîban la uca de ame destbendkerdene. Şenere seba ke tebersînor bibo Meydanê Teyarayan ê Munihî de tepişîyeno.

Wina pawîyeno ke Şenere ewro bişawîyo Îstanbulî. Şenerî ard ziwan ke eke bierşawîyo Tirkîya do bêro tepiştene.

Şener 2014 de seba ke beşdara çalakîyanê Kobanê bîyo bi îdîaya 'endamîya rêxistine' tepişîya. Dima vera dîya la derheqê ci de 'serekkomarî rê heqaret', 'zerardayîşê malê umûmîye' ra dewa ameye akerdene. Cezaya zîndanî ya 8 serran û 5 mengan dîya Şenerî û Tirkîya bi bultena sûre gêrena ci.

Munih de di reyî waştişê ci yê multecîtîye ame redkerdene û bira 'welatî terk bikera' dîyaye.  Ewro Şener bi teyaraya 13.45î do bêra erşawitene Tirkîya. Şenerî vizêr vera bira tebersînorkerdişî dest pê grevê vêşanîye kerd û vat: ''Tirkîya de do çîyêk bêro sereyê mi. Seba ke ez nêşora ez do xo ver bida û vera bêhuqûqîye têkoşîn bikerî.''