Goreyê xeberanê medyaya almanan hukmatê Almanya amadekarîyan keno ke şîrketanê enerjî rê zêdînayîşê vaya gaz û ceyranî seba serra 2023yî qedexe bikero. Hukmatî seba ke verê krîzê enerjî bigêro ferman dayo ke seba serra verê ma vaya enerjî heta astêke bêra zêdîkerdene.

Goreyê xebera rojnameyê Bildî vernîyazê qanûnê enerjî do şîrketanê xizmetê umûmîye neçare bikero ke vaya enerjî zêde mekerê. Eke vernîyaz bêro qebulkerdene fîrmayê enerjî do neçare bimanê ke zamê ke eşkera kerdê, betal bikerê.

Hukmato Federal plan keno ke menga çeleyî ra dima vaya ceyranî seba keyeyêkî yan zî fîrmayêka qije heta asta se ra 80î serê kîlovatêkî de asta 40 centî de verbido.

Seba şîrketanê mîyanên û pîlan zî asta se ra 70î de serê kîlovatêkî de do 13 sent bibo. Vaya gazî zî do 1ê adare ra dima bêra sînorkerdene.