Ambargoyê serê Mexmûrî ame şermezarkerdene
Kurdistanijî Cenevre de vernîya awanîya Neteweyê Yewbîyayeyî de ameyî pêser û ambargoyê serê Kampa Multecîyan a Mexmûrî şermezar kerd.
Kurdistanijî Cenevre de vernîya awanîya Neteweyê Yewbîyayeyî de ameyî pêser û ambargoyê serê Kampa Multecîyan a Mexmûrî şermezar kerd.
Ambargoyê serê Kampa Multecîyan a Şehîd Rustem Cûdî ya Mexmûrî vernîya awanîya Neteweyê Yewbîyayeyî ya bajarê Cenevre yê Swîsre de ame şermezarkerdene.
Bi vengdayîşê Komela Demokratîk a Kurdistanî Swîsre de bi sayan Kurdîstanijî vernîya Neteweyê Yewbîyayeyî de ameyê pêser û ambargo şermezar kerd û vang da selahîyetdaranê mîyanneteweyî ke wa seba wedartişê amborgayî tê bigêrê.
Çalakîye de di hebî aktîvîstî yê ke Mexmûrî ra ameyî û Hemserekê CDK’yî yê Cenevre Salîh Saglamî qisey kerd. Qiseykerdoxan eşkera kerd ke semedê ambargoyê serê Mexmûrî hewcedarîyê serekî yê cuya nêresenê Mexmûrî û Dewleta Tirkî ardimanê însanan asteng kena û bi nê hewayî şarî mehkûmê vêşanîye kena. Çalkîye bi wendişê vilawekanê Fransizkî qedîyaye.