Amedijê ke tewrê vîrameyîşê kadroyanê rayberan ê PKKyî Alî Haydar Kaytan û Riza Altunî bîyî, waştişê xo yê haştîye ANFyî rê erjna.

Sakine Behçet: Ê ke bîyî wesîleya nê prosesî û semedê nê ganê xo feda kerd, ma înan bi hurmet yad kenê. Ma haştîye wazenê. Ma sey kurdan û rayberanê kurdan wayîrê prosesê haştîye vejîyayî. Têna waştişê ma o yo ke wa hinî ê zî game bierzê. Heta ke haştîye bêro na herre ma do têkoşîn bikerê. Ma nêwezenê wa hinî kesêk bimiro û dayîkî bibermê. Gerîla zî leşker zî domanê ma yê.

Menice Yenir: Ma semedê haştîye game eşte; ma haştîye û seyyewbînîye wazenê û semedê nê tim hazir ê. Ma tim semedê haştîye destê xo derg kenê. Ma wazenê ke wa hinî no şer biqedîyo. Wa hinî dayîkî meberbê. Ma xeyrê şehîdanê xo waran de yê, xeyrê têkoşînê înan ameyî nê rojan. Ma pê înan û têkoşînê bawer ê.

Fesih Altun: Ma nê prosesî muhîm vînenê. No şar haştîye wazeno la nê sîstemî rê bawer nêkeno. Wa hinî no şer biqedîyo. Şarê kurdî şer nêwezano. Şarê kurdî semedê haştîye têkoşîno gird dano. Şarê kurdî wazeno ke wa şer biqedîyo. Gerek na raştîye bêro zanayene. Ma pêro şehîdanê xo bi hurmet yad kenê.

Halime Akman: Ma rayîrê Rayber Apoyî de yê û rayîrê ey teqîp kenê.Ma rayîrê şehîdanê xo de aver şinê. Ma do vateyê Rayber Apoyî erdî de meverdê.Wa her kes bizano ke ma sey şarê kurdî semedê haştîye têkoşîn kenê. Gerek tirkî zî haştîye biwazê. Wa ne domanê înan ne zî yê ma bimirê. Ez veng dana dayîkanê tirkan: Bêrê ma pêro pîya semedê haştîye têkoşîn bikerê.