Paytextê Yunanîstanî Atina de seba vîrameyîşê Geroge Floydî û seba pawitişê wayûbiratîya şaran pê tewrbîyayîşê bi hezaran kesan rayraşîyayîşêk ame kerdene. Şarî pankartê yunankî, kurdkî, tirkî û îngilîzkî, fotografê George Floydî û ê kesanê ke Kurdîstan de ameyî qetilkerdene, kiriştî.

Rêxistinê çepgîrî, sosyalîst û anarşîstî Yewîya Çalakîyan a Yunanîstanî ya Tirkîya-Kurdîstanî (PKK, MLKP, DKP/BOG, MKP, TKP-ML) zî pê pankartan tewrê rayraşîyayîşî bîyî. Çalakîye de sloganê ''Biciwîyo biratîya şaran'' û ''Erdogan kiştox, Trump kiştox'' ameyî berzkerdene.

Polîsan dima pê bombayanê gazî hêrişê girseyî kerd, girseyî zî pê bombayanê vengî û molotofan cewab da polîsan. Çalakîye verê Sersefîrîya DYA de dewam kerd.