Dewaya Hemsereko verên ê HDP'yî yo tepişteyî Selahattîn Demîrtaşî Daîreyê Dadgeran ê Pîlan ê Mehkemeya Heqanê Merdiman a Ewropa de ameye dîyene

Hemserekê Pêroyî yê HDP'yî Sezaî Temellî pîya bi heyetêkê partîye, cinîya Demîrtaşî Başak Demîrtaşe, heyetê CHP'yî ke parlamenter Sezgîn Tanrikulu zî tede bi, mahkeme taqîb kerde.

Mahkeme de avûkatanê Demîrtaşî Prof. Dr. Başake Çali, Dr. Kerem Altiparmak, Mahsûnî Karaman, Denan Molu, Ramazan Demîr û Aygule Demîrtaş, Demîrtaşî pawit. Avûkatan vat Demîrtaş seba ke têkilîyê mabênê Rayberê Şarê Kurdî Abdullah Ocalan û selahîyetdaranê Tirkî de ser bikewê rolêk girewt xo ser. Avûkatan dîyar kerd ke Îqtîdarî ra bi zanayîş Demîrtaş kerdo hedef û Demîrtaş xebatanê polîtîkan ra ame dûrfinayene. Avûkatan vat, "Erdogan waşt, fezleke ame amadekerdene." Derbeya 4'ê Teşrîna Peyêne mojnaye û ame vatene, "Pê fermanan sereştişî ameyî kerdene."

Komîserê Heqanê Merdiman ê Konseyê Ewropa Dunja Mîjatovîc beşdarê mahkeme bi û qisey kerd. Mijatovîc ifade kerd ke Tirkîya de xoserîya huqûqî bîya xêra û huqûq verba muxalîfan bîyo mekanîzmaya tersnayîşî. Komanê Sosyalîst û Keskan ra nêzdîya 20 parlamentan ê Parlamentoyê Ewropa zî mahkeme taqîb kerde.