Rêxistinanê Antîfa yê vera faşîzm û nîjadperestîye şaristanê Welsî yê Avusturya de kombîyayîş kerd û veng da ke paştdayîşê seba Rayberê Şarê Kurdî Abdullah Ocalan û tepişteyanê sîyasîyan bêro pîlkerdene.
Rêxistinanê Antîfa yê vera faşîzm û nîjadperestîye şaristanê Welsî yê Avusturya de konferansê xo yo 25. kerd.
Konferans de sere de xebatê vera terorîstanê sey DAÎŞî, Boko Haram, El Qaîde, Hîzbullah, dewleta tirke û nazîyan ameyî teşhîrkerdene.
Hunermenda musewîye Isabele Fret deyîra 'Hişyar û Azad Be' seba şaranê Rojawan, Filîstîn, Îsraîl, Îran û tepişteyanê sîyasîyan vate.
Dîwanê konferansî seba tepişteyanê sîyasîyan û bi taybetî seba Rayberê Şarê Kurdî Abdullah Ocalanî veng da ke bi felsefeya 'Jin, Jiyan, Azadî' têkoşîno hempar bêro kerdene.
Salona konferansî de bi wesîleya serrgêra Komployê 9ê Teşrîna Verêne standê agahdarkerdişî ame akerdene û daşinasnayîşê kitabanê Abdullah Ocalanî ame kerdene. Konferans de hêrişê qirkerdişî yê dewleta tirke yê vera Rojawanî, hemkarîy PDKyî ya bi dewleta tirke, suîkastê vera sîyasetmedaranê kurdan û hêrişê vera Herêmanê Pawitişî yê Medya zî ameyî teşhîrkerdene.
Hetê bînî ra konferans de bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan startê xebatan ame dayene.
