Federasyonê Şaranê Kurdîstanijan (FED-GEL) ê BW û Bayernî pare kerd ke Rifat Çelebîyo ke  babîyê kadroyêkê verênî yê PKKyî Huseyîn Çelebîyî yo, dinyaya xo bedilnaya.

FED-GELî da zanayene ke Rifat Çelebî 21ê gulane de nêweşxaneyêkê Nurnbergî de ke tede tedawî bîyêne dinyaya xo bedilnaya.

FED-GELî semedê wefatê Çelebîyî şarê Kurdîstanî û keyeyê Çelebîyî rê serweşîye waşte û vat: ''Rifat Çelebîyî merasîmê Xelatanê Edebîyatî yê Huseyîn Çelebîyî de vatbi 'Ez heta debikewa zereyê gorî têkoşînî rê dewam bikera. Şima zî wayîrê nasname û ziwanê xo vejîyê.' Ma zî soz danê ke têkoşînê ey rê dewam bikerê.''