Bajarê Baselî yê Swîsre de hetê Tevgera Ciwanên Şoreşger (TCŞ) û Jinên Ciwan ên Têkoşer (TekoJIN) ra çarçeweya Hemleya "Abdullah Ocalanî rê azadîye û meseleya kurdan rê çareserîya siyasiye" de panel ame kerdene.

Panelo ke bi sernameyê "Ciwanîye û Rayberîye"  û "Ganî senî bêro ciwîyayene" Merkezê Komelê Demokratîkî yê Kurdan ê Baselî de ame kerdene Rojnameger Adar Gulan û Rojnameger û Nuştox Sefkan Kobanê sey qiseykerdoxî tewrê ci bîyî.

Aktîvîsta TCŞyî Leyla Aktaşa ke qiseykerdişê akerdişî kerd, nê prosesê giranî de  bale ante berpirsîyarîya ciwananê kurdan ser.

Dima ra sînêvîzyonê Rayberê Şarê Kurdî Abdullah Ocalanî yo ke qala tarîxê PKKyî keno ame ramojnayene.

Adar Gulanî derheqê ciwîyayîşê ciwananê kurdan ê Ewropa de û Sefkan Kobanî zî derheqê Hemleya Azadîye de qisey kerd. Qiseykerdişan de ame vatene ke ciwanê kurdan ganî erjanê xo ra dûrî mekewê û wayîrê Rayberê Şarê Kurdî Abdullah Ocalanî bivejîyê.

Peynîya panelî de ciwanan posterê Rayberê Şarê Kurdî Abdullah Ocalanî akerdî û bi slogananê   “Bijî Serok Apo”, “Bê Serok Jiyan Nabe”  paştî daye Hemleya Azadîye.