Bajarê Baselî yê Swîsre de semedê paştdayîşê tepişteyanê sîyasîyanê ke  dewleta tirke înan rê îşkence kena çalakîya nobete dîyaye destpêkerdene.

Çalakîya nobete ya ke serkêşîya Yewîya Hêzê Demokratîkî ya Ewropa (ADGB) bi şîarê 'Ma cuye pawenê' yena kerdene do heta 7ê çeleyî bêro dewamkerdene. Çalakîye do her roje mabênê saetanê 18.00-19.00 de bêro kerdene. Çalakîy e de bale ameye antene binpaykerdişê heqan û îşkenceyê ke zîndanan de yenê kerdene ser û semedê verdayîşê tepişteyanê nêweşan ame vengdayene. Qiseykerdişan de ame vîrvîstene ke demê peyenî de xeylêk cenazayî zîndanan ra vejîye û amevatene ke nê kesî bi destê dewlete ameyî kiştene. Çalakwanan vat seba ke zafêr cenazayî zîndanan ra mevejîyê ganî komelê hîsgêr bo û selahîyetdarî cade berpirsîyarîya bîyarî ca û çîyêk bikerê.