Şeva Yeldayê ke tarîxê ci yê bi hezaran serran est o, sey Çarşemê Sorî û Newroze rojanê muhîman ê kurdan ra yewa.

Paytextê Almanya Berlin de hetê Kurdische Centrumî ra Şeva Yeldayê ameye pîrozkerdene.  Çar parçeyanê Kurdîstanî ra akademîsyen û hunermend zî tede xeylêk kesî tewrê şayîye bîyî.

Hunermend Hozan Aydinî şewe de qisey kerd. Aydinî vat, ''Bawerî û fîkrê ci çi beno wa bibo, çîyo muhîm oyo ke fikrê ci kurd û Kurdîstanî bo. Ma têgêrayîşê azadîye ra wina mûsayî, wina têgêrenê. Çar parçeyanê Kurdîstanî de ma çend raştê polîtîkayanê asîmîlasyonî bêrê zî ma sey kurdan pêro yew ê.''