Beyannemeyê peynî yê Konferansê Kurdan ê 16. yo ke Parlamentoya Ewropa bi nameyê ''Yewîya Ewropa ya Mîyanneteweyîye, Tirkîya, Kurdî û Rojhelato Mîyanên'' 5-6ê sibate de ame organîzekerdene, ame weşanayene.

Konferanso ke rayberîya Komîsyona Hemwelatan a Tirkîya û Yewîya Ewropa (EUTCC) de yeno viraştene, Çepê Başûrî yê Keskan û Çep (GUE/NGL), Keskî /îtîfaqo Azad ê Ewropa (Greens/EFA), û Gruba Demokratan û Sosyalîstan (S&D) paştî danê ci.

Beyannemeyê peynî de bale ameye antene ke kurdî Rojhelatê Mîyanênî de aktorêkê qirîng ê û ame vatene ke ganî bi hêzanê demokratîkî hemkarîye bêro xurtkerdene. Na çarçewe de veng dîya dezgehanê Ewropa û Neteweyê Yewbîyayeyî û nê ameyî vatene:

-Ganî hêrişê vera Rojawanî sey binpaykerdişê heqanê merdiman bêro namekerdene û veng bêro dayene ke wa yewîyê tirkan peyser biancê.

-Ganî Îdareyo Xoser ê Vakur û Rojhelatê Sûrîye bêro naskerkerdene û temsîlkarî û kurdî  Qanûnê Bingeyênî yo newe yê Sûrîye de  bêrê cadayene.

-Ganî  semedê vindarnayîşê hêrişê îşxalî yê vera Başûrê Kurdîstanî yê ke huqûqê mîyanneteweyî binpay kenê, bêro israrkerdene.

-Ganî Tirkîya ra bêro waştene ke wa endam û vîjnayeyanê HDPyî yê ke bilasebeb ameyî tepiştene, bêrê veradayene û hemşaredarê ke wezîfeyê înan ameyî xespkerdene wezîfeyê înan reyna bêrê îadekerdene.

-Ganî Tirkîya verê tehdîtanê multecîyan û cîhatçiyan ê Tirkîya de çok nêdo erjanê demokratîkan ê Yewîya Ewropa nînan rê qûrben nêkero.

-Ganî semedê wedartişê tecrîdê vera Rayberê Şarê Kurdî Abdullah Ocalanî tedbîrî bêrê gitewtene û şiro Tirkîya ser ke wa semedê çareserîya meseleya kurdî Ocalanî cade serbest verado û dîyalog newe ra bêro destpêkerdene.

- Ganî çarçeweya qererê PKK rêxistinêka terorîst nîyo, hetêkê pêkewtişê biçeke yo yê Dîwanê Adeletî yê Ewropa û Hukmê Belçîka heme zextê vera kurdan û partîyan bêrê wedartene û semedê çareserîya sîyasîye gamêke bêro eştene.