Hunermend û dostê kurdan Goran Drouggeyî seba ke bale bianco hêrişanê kîmyewîyan ê dewleta tirke ser resimê gerîlaya YJA-Starî Gulperîne Ataya ke pê çeka kîmyewîye şehîd bîye, xêz kerd.

Goran Drouggeyî verê Wezîrîya Karanê Teberî ya Swêdî de resim xêz kerd û bêvengîya Swîsre ya vera dewleta tirke şermezar kerde. Goran Drouggeyî çalakîye de wina cewab da persanê eleqedaran: ''Dewleta tirke sûcanê şerî kena. Gulperîne Ata pê çeka kîmyewîye ameye qetilkerdene. Mi zî dosyaya serê hêrişanê kîmyewîyan amade kerde. La Swêd û welatanê bînan ra veng nêvejîyeno. Mi zî seba şermezarkerdişê na bêvengîye Roja Haştîya Dinya ya 21ê êlule de çalakîyêka winayêne kerde.''

Çalakîye de vilawekî ameyî vilakerdene, dosya û mektubê derheqê sûcanê şerî yê dewleta tirke pêşkêşê Wezîrîya Karanê Zereyî ya Swêdî ameyî kerdene.