Birsene Karsa ke Qirkerdişê Zîndanan ê 19ê Kanûne de birîndar bibî, Almanya de kanserî ra dinyaya xo bedilnaye.

Kanala Halkin Sesi TVyî da zanayene ke Karse bi serran o şaristanê Stuttgartî yê Almanya de tedawîya kanserî dîyêne.

Karse 1992 de wexto ke wendekara Fakulteya Muhendisîya Endustî ya Zanîngehê Îstanbulî de wendêne amebî destbendkerdene û cezaya zîndanî ya 15 serran dîyaye ci. Karse vatbi ke wextê Qirkerdişê 19ê Kanûne de ê şeş cinîyî bîyî ke hema ke weş bîyî ameyî vêşnayene. Karse bi birînêka girane siwarê ambulansî amebî kerdene. Karse çekanê kîmyewîyan ê qirkerdişî ra pê kanserî kewte. Beşêko pîl ê sereyê aye, destê ci û paştîya ci zî qirkerdiş de vêşabîy.