Bonn de verê NYyî de çalakîya protestoyî ameye kerdene
Qirkerdişê domanan o ke dewleta tirke Til Rifat de kerd verê bînaya Neteweyanê Yewbîyayeyan (NY) de ame protestokerdene.
Qirkerdişê domanan o ke dewleta tirke Til Rifat de kerd verê bînaya Neteweyanê Yewbîyayeyan (NY) de ame protestokerdene.
Kiştişê 8ê înan domanî 10 sivîlan o ke Til Rifatê Şehba de hetê Tirkîya ra ame kerdene, şaristanê Bonnî yê Almanya de bi çalakîyêke ame protestokerdene.
Kurdîstanijî seba ke hêrişan û qirkerdişanê dewleta tirke yê vera sivîlan ê Rojawanî protesto bikê verê bînaya NYyî de ameyî têhet. Çalakîye saete 16:00 de dest pêkerd, kurdîstanijî û dostê înan tewrê çalakîye bîyî. Çalakîye de alayê YPG, YPJ û TEV-DEMî ameyî berzkerdene û fotografê domananê ke Til Rifatî de hêrişê dewleta tirke de ameyî qetilkerdene ameyî kiriştene. Reyna pankarta bi nuşteyê ''Qirkerdiş û îşxalê dewleta tirke wa lezabez vinderê'' ameye dardekerdene. Beyanatî de bale ameye antene ser ke dezgeh û rêxistinê mîyanneteweyî vera hêrişê Til Rifatî bêveng ê. Çalakîya ke slogana ''kiştox erdogan'' ameye vatene de derheqê babete de dosyayêke teslîmê NYyî bîye.