Aktîvîteya ke Lokalê merkezî yê Komeleya Kurdan a Demokratîke ya Goteborgî de ameye viraştene pê vindertişê rêzî yo deqayêk dest pêkerde û pê derheqê têkoşîn û cuya şehîdan de mojnayîşê sînevîzyonî dewam kerde.

Sîyasetmedaro Kurd Rizgar Dêrsimî  derheqê taybetî û cayê têkoşînî yê Kurdanê Anatoliaya Mîyanên ser o qisey kerd. Dêrsimî ard vîrî ke Tolhîldan aslê xo de yew keyeyê Kurdîstanî ra yo ke endamê ci surgunê Konya bîyê û barcî zî mecbur mendî ke Ewropa de biciwîyê. Dêrsimî va ke: “ O yew şorişgêr bîyo ke aql û fikrê ci tim welat û kulturê xo ser o bi. Seba ke armancê xo bîyaro ca beşdarê Têkoşînê Azadîya Kurdîstanî bîyo. Û o armancê xo pê serkewtiş ardo ca.”

Dêrsimî bi hewayêko pîtêr behsa caardişê mîsyonê tarîxî kerde; ganî nêro vîrkerdene ke serkewtişê şarê kurdan pê fedakarîyanê şehîdan bîyê û ganî pêro Kurdîstanijî hîna zêde paşt bidê têkoşînî û xo rast bikî.

Xoverdayîşî ra Ber Yewna Rayîrê Şarê Kurdan Çîn o

Mela Abdullah qiseykerdişê xo yê sernameyê Komelê Îslamîya Kurdîstanî (CÎK) de pê atifanê hedîs û ayetan ardo vîrî ke ê komelî ke erdê înan îşxal bîyê, binê zordarîyan de ciwîyenê û ameyê qirkerdene mecbur ê ke xo ver bidê. Qiseykerdişê xo dê nê çîyî zî îfade kerdî: ”Ê ke seba na dewa mirenê dergehê homayî de û çimanê merdiman de şehidê gonî yê. Cayê înan cayêko tewr ercayeyêr de yê. Ganî teqez neheqî verî bêro xoverdayîş. Seba şarê kurdan ke yenê qirkerdene xoverdayîşî ra ber yew rayîro bîn çin o.”

Abdûllah Konyali yo ke bi nameyê Platformê Kurdan ê Anatoliaya Mîyanêne (PKAM) qisey kerd va ke; seba ke heqê gencanê mêrxasan û ganfedayan bêrê dayene ganî herkes hîna zêde paşt bido têkoşînî û xo rast biko.

Qiseykerdişê derheqê keyeyanê şehîdan de ame îfadekerdene ke bîyayîşê keyeyê şehîdan çend birûmet bo zî hendek zî qehirnayox o. Ame vatene  ke nê dejî teyna pê zêdêr paştdayîşê têkoşînî û pê bêgumantîya şehîdan do bibê kêmî.

Çalakîya ke yew eleqeyo pîl dîyo û pê slogananê “Şehîdî nêmirenî” qedîyaye.