Nuştoxo kurd Haydar Işik 17ê kanûne de şaristanê Munihî yê Almanya de kanserî ra dinyaya xo bedilnabî. Cenazaya Işikî Munih de Maisach de ameye definkerdene. Kurdîstanijî û dostê Işikî yê almanî tewrê merasîmê definî bîyî.

Dostanê Işikî merasîm de qisey kerd û pare kerd ke ê Işikî ra zaf çîyî musayê. Hemserekê KCDK-E Yuksel Koçî zî vat: ''Ma do têkoşînê ci teqîb bikerê.'' 

Işik pê gulbang û vilikan ame oxirkerdene.

aydar Işik qezaya Qisle ya Dêrsimî de 1ê êlula 1937î de dadîya xo ra bîyo. Ey Mûş û Dêrsimd e 3 serrî mamostatîye kerde û 1974 de zî Beşê Eczakerîye qedîna. Işikî dima koçê Almanya kerd û vera asîmîlasyonê dewleta tirke xeylêk kede daye.

Ey kitabê sey Dersimli Memik Aga, Dersim Tertelesi, Almanya’da Yitenler, Multeci Munzur, Arevik, Şafagi Beklemeyecegiz, Xecê’nin Dersim Kefareti, Şerkoy’dan Selahaddin Eyyubiye, Son Siginma, Bitlis Beyi Abdal Hanî nuştî. Xeylêk kitabê ci açarîyayî almankî û ey bi xo zî xeylêk kitabî açarnayî.