Cenazayê Unver û Kierpaczeyî ameyî definkerdene

Cenazayê Ferhat Unverî û Mercedese Kieroacz ê ke hêrişê nîjadperestî yê şaristanê Hanau yê Almanya de merdbî ameyî definkerdene.

Cenazayê Ferhat Unverî û Mercedese Kieroacz ê ke hêrişê nîjadperestî yê şaristanê Hanau yê Almanya de merdbî ameyî definkerdene.

Cenazaya Ferhat Unverî yo 23 serre bi merasîmêk ameye definkerdene. Merasîm de keyeyê Unverî, merdimê ci û zaf kesî amade bîyî. Masaya ke fotografê Unverî serê ci de bi, bi findan û gulan amebî xemilnayene. Seba qurbananê Hanau dûayî ameyî wendene û salone de lorîyê kurdî berz bîyî.

Dima bi wesayîtan şar verê do da goristanê merkezê Hanau. Cenazaya Unverî goristanê  Hauofriedhofî de bi tewrbîyayîşê hezaran kesan ameye definkerdene. Serekê Şaredarîya Hanau Claus Kominskyî merasîm de qisey kerd û hêriş şermezar kerd. Merasîm de ame waştene ke pêro hêrişê nîjadperestî bêrê roşnkerdene û vera nê hêrişan tebdîrî bêrê girewtene.

Dadîya Unverî Serpîle Temîz wexto ke serweşîye webul kerdêne ANFyî reyde qisey kerd û pare kerd ke lajê ey Almanya de ame dinya û pîl bi, seba Almanya kar kerd û vist vîrî ke a seba ciwananê bînan biqesawet a. Dadîye vat: ''Lajê mi merd, adir kewt zerrîya mi. Domanê bînî, ciwanê bînî estê. Wa ê nîjadperestîye ra nêmirê.

Cenazaya Mercedese Kierpacza ke heman hêrişî de merdbî Goristanê Mulheimî yê Hauptfriedhofî yê Offenbachî de ameye definkerdene. Merasîmê definkerdişî de nameyê keyeyî ser o qiseykerdişî ameyî kerdene.