Çalakîya roniştişî ya ke semedê azadîya Rayberê Şarê Kurdî Abdullah Ocalanî çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de 25ê çeleyî de ameye destpêkerdene, dewam kena.

Mîtîngê ewroyî şexsê 7 gerîlayanê ke hêrişê PDKyî de şehîd bîyî de bi rêzgirewtişî dest pêkerd. Dima ra Hemserekê Merkezê Komelê Demokratîkî yê Kurdan ê Cenevre Salîh Saglamî derheqê rojdemî de qisey kerd.

Saglamî bale ante ser ke dewleta tirke verê çimanê dinya de gazanê kîmyewîyan û jehrinan şuxulena û vat: ''Sere de NY ganî dezgehê mîyanneteweyî vera nayî vejîyê û cade çîyêk bikerê.''

Saglamî hêrişê teberê merdimîya sey leteyêkê komployê mîyanneteweyî yê vera Rayberê Şarê Kurdî Abdullah Ocalanî hesibnayî û vat: ''Ma do vera hêrişanê dewleta tirke yê îmha û qirkerdişî tim kuçeyan de bê û hemkarîya PDKyî yê hêrişanê vera kurdan zî teşhîr bikerê.''