Şaristanê Marsilya yê Fransa û şaristanê Freiburgî yê Almanya de ciwanê kurdî semedê azadîya Rayberê Şarê Kurdî Abdullah Ocalanî reyna kuçeyan de bî.

Marsilya de hetê aktîvîstanê TCŞ û TekoJIN de çalakîyêke ameye kerdene. Ciwanê ke bi şîarê Ciwanî fedayîyê Rayber Apoyî ameyî têhet ard ziwan ke heta azadîya fîzîkîye ya Rayberê Şarê Kurdî ê do tim çalakîyan de bê. Çalakîye de hêrişê hukmatê Fransa yê vera ciwananê kurdan zî ameyî  şermezarkerdene. Ciwanî semedê azadîya Ocalanî qîrayî û xoverdayîşê zîndanan selam kerd.

Freiburg de zî bi wesîleya rojbîyayîşê 72. yê Abdullah Ocalanî aktîvîstanê TCŞ û TekoJIN çalakîya daliqnayîş pakartan kerde. Ciwanan rojbîyayîşê Rayberê Şarê Kurdî bimbarek kerd û tecrîd şermezar kerd. Reyna derheqê tecrîdî de vilawekî kutuyanê postayan ê xeylêk bînayan de ameyî vilakerdene.