Bajarê Dusseldorfî yê Almanya û bajarê Marsilya yê Fransa de endamê Têgêrayîşê Ciwanan ê Şorişgêran (TCŞ) û Cinîyan ê Ciwanan ê Têkoşeran (TekoJIN) semedê azadîya fîzîkîye ya Rayberê Şarê Kurdî Abdullah Ocalanî vejîyayî kuçeyan.

Marsilya de ciwanan bi rayraşîyayîşêkî bale atne tecrîdê Rayberê Şarê Kurdî Abdullah Ocalanî ser û azadîya ci waşte.

Dusseldorf de zî ciwanî bi eynî waştişî verê Meydanê Teyarayan ê Mîyanneteweyî de ameyî têhet û dewleta tirke û NATO û CPT yê ke paştî danê sîstemê tecrîdî şermezar kerdî.