Aktîvîstanê Têgêrayîşê Ciwanan ê Şorişgêran (TCŞ) Paris de tecrîdê vera Rayberê Şarê Kurdî Abdullah Ocalanî û Den Haag de hêrişê kîmyewî yê vera gerîlayan verê OPCWyî de şermezar kerdî.

Şaristanê Parisî yê Fransa de ciwanan çarçewa Hemleya 'Werin Cenga Azadiyê' de bi çalakîya rayraşîyayîşî tecrîd şermezar kerd û azadîya Rayberê Şarê Kurdî Ocalanî waşte. Ciwanan dima verê Şaredarîya Drancyî de eşkerayîyêke daye. Ciwanan şan de trenê banlîyoyê RERî de çalakîya bêîteatîya sivîle kerde. Ciwanan flamayê resmanê Ocalanî kiriştî û vilawekî wendî. Çalakîye bi sloganê 'Ocalanî rê Azadîye' qedîyaye.

Şaristanê Den Haagî yê Hollanda de ciwanan û enternasyonalîstan hêrişê kîmyewî yê dewleta tirke ya îşxalkere verê bînaya OPCWyî de protesto kerdî. Ciwanan venga OPCWyî da ke vera hêrişan bêveng nêmano û cayê hêrişan de cigêrayîş bikero.