Ciwanan zextê Fransa yê vera kurdan şermezar kerdî

Aktîvîstanê Têgêrayîşê Ciwanan ê Şorişgêran (TCŞ) zextê hukmatê Fransa yê vera kurdan pê çalakîyan şermezar kerdî.

Aktîvîstanê Têgêrayîşê Ciwanan ê Şorişgêran (TCŞ) seba ke keyeyê kurdan ameyî sereştene û xeylêk kurdî ameyî destbendkerdene zextê Fransa şermezar kerdî.

Aktîvîstanê TCŞyî pê marşê 'Çerxa Şoreşê' çalakîya rayraşîyayîşî kerd. Rayraşîyayîş de fotografê Rayberê Şarê Kurdî Abdullah Ocalanî û alayê PKKyî ameyî akerdene û sloganê sey 'Biciwîyo Serek Apo' ameyî vatene.

Marsilya de aktîvîstanê TCŞ û TÊKO-JIN pîya polîtîkayê Fransa yê vera kurdan şermezar kerdî, vilawekî vila kerdî. Ciwanan verê îstasyonê trenî de nawnayîşêk kerd. Nawnayîş pê slogananê 'Bêserek cuye nêbena' û 'Biciwîyo Serek Apo' qedîya.

Şaristanê Toulouse yê Fransa de ciwanan pê çalakîyêke teda û kerdişê Fransa yê vera kurdan protesto kerdî. Çalakîye pê vengdayîşê 'Wa her kes vera nê tedayan vejîyo meydanan' qedîya.