Xeylêk şaristananê Ewropa de serkêşîya ciwanan de tecrîdê vera Rayberê Şarê Kurdî Abdullah Ocalanî bi rayraşîyayîşan ame protestokerdene.

Şaristanê Bordeauxî yê Fransa de serkêşîya TCŞ û TÊKO JIN de tecrîdê Îmraliyî ame protestokerdene. Rayraşîyayîş de ciwanan ard ziwan ke ê do sey Rayberê Şarê Kurdî xo ver bidê û tecrîdî wedarnê. 

Şaristanê Marsilya yê Fransa de bi wesîleya Roja Haştîye ya Dinya serkêşîya TCŞyî de çalakîya rayraşîyayîşî ameye kerdene. Çalakîye de xpverdayîşê gerîlayan ame selamkerdene û venga pêro kesan dîya de dormeyê gerîlayan de bêrê pêser û wayîrê Abdullah Ocalanî vejîyê.

Şaristanê Draguignanî yê Fransa de serkêşîya CKFyî de tecrîd, hêrişê îşxalî û îxanetê PDKyî ameyî şermezarkerdene. Ciwanan dima eşkerayîya xo daye. Eşkerayîye ra dima çalakîye bi slogananê sey "Bijî Serok Apo" û "Şehîd Namirin" qedîyaye.