Şaristanê Strasbourgî yê Fransa de semedê azadîya Rayberê Şarê Kurdî Abdullah Ocalanî çalakîya roniştişî yena kerdene. Çarçewa çalakîya ke hewteyê 3. de hetê ciwananê TCŞ û TEKO-JIN ra yena kerdene de verê Konseya Ewropa de eşkerayîye dîyaye.

Ciwanê enternasyonalîstê ke verê Konseya Ewropa de ameyî pêser ard ziwan ke Ocalan têna semedê şarê kurdî nê semedê şaranê Rohhelatê Mîyanênî û dinya muhîm o.

Dîrektorê Mîyanneteweyî yê sendîkaya Unite û Hemserekê Kampanaya Ocalanî rê Azadîye yê Birîtanya Simon Dubbinsî mesajê şawit û vat wextê azadîya Ocalanî ameyo ganî ma cade têbigerê. Komîteya Azadîya Ocalanî ya Globale ra wezîro verên ê Îzlan da Ogmundur Jonassonî zî mesajê xo de vist vîrî ke Ocalan 21 serrî yo zîndan de yo vat wextê ci ameyo, ganî Ocalan azad bo.

Çarçewa çalakîya roniştişî de roja îne saete 13:00 de do Meydanê Kleberî ra ver bi verê Konseya Ewropa rayraşîyayîşêk bêro kerdene.