Xetlêk welatanê Ewropa de ciwanê kurdan semedê azadîya Rayberê Şarê Kurdî Abdullah Ocalanî vejîyayî meydanan. Ciwanan vera tecrîdî hêrsê xo ard ziwan û vat: ''Wextê ci ame ganî cade nika Rayber Apo azad bo.''
Serkeşîya têgêrayîşê ciwanan ê kurdan ê Ewropa de Almanya, Fransa, Awusturya û xeylêk welatan bînan ê Ewropa de çarçewe Hemleya ''Wext Wextê Azadîye yo''' de çalakîyî ameyî kerdene.
Bajaranê Marsilya û Bordeauxî yê Fransa, paytextê Awusturya Viyana û bajaranê Bensheim û Mannheimî yê Almanya de ciwanê kurdan semedê azadîya Ocalanî vejîyayî meydanan.
Ciwananê ke vera tecrîd, operasyonê qikerdişê sîyasî û hêrişê îşxalî yê vera kurdan şermezar kerdî, xoverdayîşê Îmrali û Heftanînî selam kerdî û vat ê do heta azadkerdişê Ocalanî kuçeyan de bî.
