Ciwanê şorişgêrî xo 'Raywanîya Azadîye' rê amade kenê
Ciwanê kurdîstanijî û enternasyonalîstî seba azadîya Rayberê Şarê Kurdî Abdullah Ocalanî xo çalakîya diyîne ya 'Raywanîya Azadîye' rê amade kenê.
Ciwanê kurdîstanijî û enternasyonalîstî seba azadîya Rayberê Şarê Kurdî Abdullah Ocalanî xo çalakîya diyîne ya 'Raywanîya Azadîye' rê amade kenê. Çalakîye do çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de bêra kerdene.
Çalakîye do 9ê sibate de şaristanê Mannheimî yê Almanya de dest pêbikera û 16ê sibate de şaristanê Strasbourgî yê Fransa de bi konferansî do biqeda.
Komîteya Amadekarîye derheqê çalakîye de eşkerayîyêke daye. Eşkerayîye de dîya zanayene ke Rayberê Şarê Kurdî Abdullah Ocalanî 25 serrî yo bi hawayêkê giranî Îmrali de yeno tecrîdkerdene û 36 mengan ra nata tira xeberêke nêna girewtene.
Eşkerayîye de wina ame vatene: ''Ciwanî her ca de dormeyê Rayberîye de benê çember. Ma sey ciwanan konseptê çinkerdişî qebul nêkenê û heta azadîya Rayber Apoyî do têkoşîn bikerê. Nê esasî ser o Rayraşîyayîşê Ciwanan ê Almanya yo ke 25 serran ra nata bi hawayêkê tradîsyonelî yeno kerdene emser bi şîarê 'Abdullah Ocalanî rê Azadîye, Meseleya Kurdan rê Çareserîya Sîyasîye' de do bêra kerdene. Ma venga pêro ciwanan danê ke bi ruhê seferberîye tewrê nê rayraşîyayîşî bibê. No rayraşîyayîşo ke çarçewa Hemleya Azadîye de bêro kerdene, do hêzî bido hemle.''
Goreyê eşkerayîye bernameyê çalakîye wina yo:
“09.02.2024 – Kombîyayîş – Mannheim
10.02.2024 – Roja yewine – Mannheîm HBF
11.02.2024 – Roja diyîne – Heidelberg – Hockenheim
12.02.2024 – Roja hîrêyîne– Homburg – Neunkirchen
13.02.2024– Roja çarine – Friedrichsthal – Saarbrucken
14.02.2024– Roja pancine – Saarbrucken
15.02.2024– Roja şeşine – Strasbourg
16.02.2024– Roja hewtine– Konferansê Strasbourgî”
Eşkerayîye de dîya zanayene ke kesê ke wazenê eşkenê nê adresê emaîlî ser o agahîyanê serê çalakîye bigêrê:
