Goreyê eşkerayîya ke hetê Komîteya Vernîgirewtişê Îşkenceyî (CPT) ra, ke pabesteyê Konseya Ewropa (KE) ya, ameye dayene mabênê 6-17’ê Gulane de serdana xeylî zîndananê Kurdistan û Tirkîya ameya kerdene.

Eşkerayîye de ame vatene ke çarçewaya nê serdanan de şîyê Îmrali zî, ke Rayberê Şarê Kurdî Abdullah Ocalanî tede yeno girewtene, nê serdanan de derheqê tirêm raporê tavsîye yê serra 2016’î rê rîayet ameyo kerdene yan nê ser o cigêrayîşî ameyê kerdene.

Heman wextî de eşkerayîye de dîya zanayene ke zîndanê Stenbol, Amed, Enqere û Pirsûs zî tede, xeylî zîndan û qereqolê polîsan ameyê zîyaretkerdene, bi seyan kesanê ke zîndanan ra ameyê veradayene yan zî hewna zîndan de yê reyde pêvînayîşî ameyê kerdene.

Goreyê eşkerayîya CPT’yî pîya bi wezîrê Karanê Teberî, Edaletî û Weşîye û bi sazîyanê sey Sazîyê Heqê Merdiman û Seypêyîye yê Tirkîya (TÎHEK) reyde zî pêvînayîşî ameyê kerdene, ‘çimdarîyê destpêkî’ yê ke qereqolê polîsan de ameyê kerdene selahîyetdaranê Tirkan dir ameyê parekerdene.

Eşkerayîye de ame vatene ke heyetê CPT’yî yo ke Mykola Gnatovskyyî serekîya ci kerdêne, pîya bi şefê Beşê CPT’yî yê Tirkîya Mîchael Meûraûterî û sekreteranê CPT’yî ra Elvîn Alîyevî zî heyete de ca girewt. Nameyê kesanê bînan ê ke heyetî de ca girewt nê yê: Djordje Alempijević, Nico Hirsch, Julia Kozma, Davor Strinović, Hans Wolff.