Têgêrayîşê Ciwananê Şorişgêran û Cinîyê Ciwanî yê Têkoşerî (TÊKO-JIN) Baselê Swîsre de bi eşkerayîyêke tewrê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bîyî. Eşkerayîya bi kurdkî hetê Dilbirîne Mêrdînî ra eşkerayîya tirkî hetê Yusuf Amedî ra ameye wendene.

Eşkerayîya ciwanan de ame parekerdene ke Rayberê Şarê Kurdî Abdullah Ocalanî tim seba çareserîya meseleya kurdan û çareserîya pêro meseleyanê Rojhelatê Mîyanênî têkoşîn kerd. Ciwanan da zanayene ke hêzanê komplogeran û dewleta tirke seba ke vera ney bigêrê vera Abdullah Ocalanî Komployo Mîyanneteweyî kerd.

Ciwanan vat: ''Rayber Apo 25 serrî yo binê tecrîd û sîstemê îşkenceyî de esîr yeno tepiştene. Xîret yeno kerdene ke têkilîya Rayber Apoyî ya bi şaran bêra birnayene. Pê qedexe û cezayan pêvînayîşê Rayber Apoyî yê bi keye û avûkatan yenê astengkerdene. Îqtîdarê AKP-MHPyî yê faşîstî tecrîdê Îmraliyî pêro Kurdîstanî û Tirkîya rê vila kerd. Dewletê Ewropa zî bi bêvengîya xo benê hemkarê AKP-MHPyî.

Ma sey têgêrayîşanê ciwanan ê Ewropa tewrê na hemle benê. Ma do her ca de seba azadîya Rayber Apoyî vejîyê meydanan. Ma venga pêro ciwanan danê ke tewrê na hemle bibê.''