Defend Rojava seba tewrbîyayîşê çalakîyan veng da
Platformê Defend Rojava seba yewîya neteweyî veng da û seba çalakîyan û rayraşîyayîşanê 5-6-7î dawet kerd.
Platformê Defend Rojava seba yewîya neteweyî veng da û seba çalakîyan û rayraşîyayîşanê 5-6-7î dawet kerd.
Ewro beyanato ke hetê temsîlkaranê xirîstîyanan, armenîyan, êzidîyan, elewîyan, misilmanan, cinîyan û ciwanan ra ame kerdene de bale ameye antene îşxalê dewleta tirke ser.
Beyanatê Defend Rojava wina yo:
"Şarê ma bi ruhê seferberîye her cayê dinya de paştî da xoverdayîşî û seba yewîya neteweyî veng da. Şarê ma bi boykotkerdişê malanê tirkan tewirêko neteweyî mojna. Dostanê ma paştî da ma, hunermend û roşnvîranê kurdan zî seba yewîya neteweyî veng da.
Yewîya neteweyî pêro polîtîka û menfaatê partîyan ra hîna girîng û lezabez a. Ganî pêro partîyê kurdan naye bivîne û fedakarîya neteweyî bikê û cade bêrê yew ca. Nê prosesê tarîxî de her kes ganî berpirsîyarîya xo bîyaro ca.
5-6ê kanûne de çarçewa bernameyê di rojan de Lozanî ra ver bi Cenewre bi tewrbîyayîşê temsîkaranê partîyan û dezgehan, hunermendan, roşnvîranê kurdîstanijan beyanatê çapemenîye, rayraşîyayîşêk, semîner û konserî do bêrê serûberkerdene.
7ê kanûne de pêro welatan û eyaletan de rayraşîyayîşê yewîya neteweyî do bêro kerdene. Her cayo ke tede kurdî ciwîyenê de komîteya yewîya neteweyî amadekarîyanê nê rayraşîyayîşan do bikera. Ma venga şarê xo û partîyanê sîyasîyan danê ke tewrê nê rayraşîyayîşan bibê."