Dîwanê Edaletî yê Ewropa yê Luksemburgî bira xo ya serê muracato ke 2020 de PKKyî seba ke lîsteya terorî ra bêro vetene kerdbi, eşkera kerd.

Roniştişê dewa 22yê hezîrana 2022yî de dest pêkerdbi. Mehkeme bira xo de îdîayêka winayêne kerde ke 'îdîayê derheqê mesuldarîya mojnayîşê sebeb, heqê pawitişî û binpaykerdişê heqê pawitişî heta astêke heqdar bibê zî nêeşkenê verê betalkerdişê dewa abikerê.''

Mehkeme îtîrazê PKKyî yê vera lîste red kerd û bire daye ke wird hetî zî mesrafê mehkeme bidê.

Dîwanê Edaletî bira xo ya serê dewaya ke PKKyî seba ke lîsteya terorî ra bêro vetene 2014-2020 de akerdbi 30ê teşrîna peyêne de eşkera kerdbî. Rixmo ke mehkeme bira xo ya verêne de zî hukm dabi ke nêbeno ke PKK lîsteya terorî de cabigêro bi heman argumanan na dewa betal nêkerde.