Mehkemeya Îstîsnafî ya Belçîka serra 2019î de qerarê PKK ‘rêxistînêka terorî‘ nîyo dabi. Dewleta tirke vera naye vejîyayebî bû qerar kiriştbi mehkemeya berze. Dozgerê mehkemeya berze vat qerarê mehkemeya cêrêne ca de yo.

Roniştişê deweye ke ewro ame viraştene sîyasetmedarê kurdî yê ke qala înan yena kerdene, di avûkatê dewleta tirke û dozgerê mehkemeya cêrêne tewrê ci bîyî. Dozgerê mehkemeya berze qerarê mehkemeya Îsînafî yê PKK ‘rêxistînêka terorî‘ nîyo raşt dî û vat no qerar ca de yo. Vera naye dozgere mehkemeya cerêne û avûkatanê dewleta tirke semedê cewabdayîşî wext waşt. Goreyê çimeyanê nêzdîyan ê dosya dozgerî roniştişo bîn taloqê 28ê çeleyî kerd. dewleta tirke ganî tewr erey heta 24ê çeleyî nuştekî cewab bido.

Hemserekê KONGRA-GELî Remzi Kartal û Endamê Konseya Rayberdişî yê KNKyî Zubeyîr Aydar zî mîyanê nê kesanê ke yenê hukmkerdene de yê. Yeno pawitene ke sîyasetmedarê kurdî badê qerarê şîrove bikerê. Aydar o ke ANFyî rê qisey kerd vat ma do badê qerarî kombîyayîşêkê çapemenî bikerê.