Gerîlayê HPG'yî Ronî Pinar (Bulent Efeogullari) û Serhat Xwîn (Sedat Yalçinkaya) yê ke menga Êlule de Heftanîn û Xakurkê de rîyê bombardûmanê dewleta Tirkî ra şehîd bîyî, paytextê Almanya Berlîn de ameyî yadkerdene.
Gerîlayê HPG'yî Ronî Pinar (Bulent Efeogullari) û Serhat Xwîn (Sedat Yalçinkaya) yê ke menga Êlule de Heftanîn û Xakurkê de rîyê bombardûmanê dewleta Tirkî ra şehîd bîyî, paytextê Almanya Berlîn de ameyî yadkerdene.Çalakîya yadkerdişî bi rayberîya Dezgehê Keyeyan ê Şehîdan ê Berlînî Merkezê Komeleya Demokratîke ya Kurdan(NCDK) de ame viraştene û keyeyê gerîlayan û temsîlkarê dezgehan ê Kurdan tewrê ci bîyî.
Hemsereka NCDK'yî Nûjîyan Gunaye destpêkê kombîyayîşê yadkerdişî de qisey kerd û pêroyê keyeyê şehîdan rê serweşîye waşte û va: "Ê ne şehîdê ma yê destpêkî yê ne zî peynî yê. Ma baş zanenê ke Erdogan, AKP-MHP na barbarîye têna bi sereyê xo nêkenê. Eke hêzê ke paştî danê înan nêbê, nêeşkenê. Labelê ganî her kes bizano ke hînî aktoranê serekeyan ê Rojakewtena Mîyanêne ra yew zî şarê Kurdî yo û qet xo qurban nêkenê."
Ser nameyê keyeyanê şehîdan zî Goze Çalkane qisey kerd û va: "Ciwanê ma heskerdoxê vêşanîye, mergî û serdî nîyê. Înan seba azadîye canê xo feda kerdî. Ganî ma wayîrê înan û mîrasê înan bivejê."
Sîyasetmedaro Kurd Muharrem Kadirî dima qisey kerd û va: "Destkewteyanê pêroyan de kedê û gonîya şehîdanê Kurdistanî yê mêrxasî esta. Naye ra dişmen tewr zaf hêrişê gerîlayan keno."
Seba rayraşîyayîşê 12'ê Teşrîna Verêne yê şermezarkerdişê komploya mîyanneteweyîye vengdayîşê kombîyayîşî ame kerdene.
