Ciwananê şorişgêranê ke rêxistinîya YDG, Rebell û Rotfuchse Ulmî de ca gênê bi şîarê 'Ma paştdayîşê bi domananê Şingal û Mexmûrî pîl bikerê' kampanyayêke daye destpêkerdene. 

Xeylêk doman û keyeyî Merkeê Kulturî yê Tîje (TKM) de tewrê 'Roşanê Neol Babayî yê Mîyanneteweyî' bîyî. Çalakîye de ciwanan derheqê Rojawan û Şingalî de agahîyî dayî, konserêk da.

Seba kampanyaya ke hetê Înîsîyatîfê für Frieden und Hoffnung in Kurdistanî ra yena serûberkerdene, Ulm de xeylêk paştdayîş ame mojnayene. 

Eşkerayîya kampanya de ame parekerdene ke înan seba domananê Şingal û Mexmûrî çante yan zî hetkarîya madî ya bi 20 euroyî arê danê. Eşkerayîye de dîya zanayene ke heta nika înan 63 çanteyî û kincê zimistanî arê dayê. 

Kampanya heta 5ê kanûne do dewam bikera. Ciwanan venga her kesî da ke wa tewrê kampanya bibo.